السلام عليكم
ان شاء الله تكون سنة حلوة خفيفة لطيفة على الجميع
بالنسبة لمواد سنة ثانية، حبيت أنقل الكم تجربتي مع هاد الفصل :
الهستولوجي:
انا أخذت المادة مع الدكتور سلامة ، السلايدات مع حكي الدكتور كافي أنه تجيب( أ )إن شاء الله ، في ملاحظات بيحكيها الدكتور بالمحاضرة، ضروري تروحوا تشوفوها عن النت، ولو فقرة، كمان أسئلة الكتاب بيجيب منها بعض الأسئلة تطلعوا عليها.
إقرأ أيضًا: مساق علم الأنسجة 1
الفسيولوجي:
مادة بتعتمد على الفهم أكثر ، ضروري بالفترة الأولى تحضروا فيديوهات الدكتور ناجي ،خصوصا اول شهر لأنه بيكون معكوا شوية وقت ،وإذا بيكون معكوا فراغ، حاول أحضروا للدكتور ناجي قبل ،وروحوا ع المحاضرة، هيك بتكونوا جمعتوا 80% من المادة والباقي بتلّموه بالبيت
السلايدات لا تشتروهن لانه ما بينفعن ولا إلهن لازمة، في تفريغات للطلاب من السنة الماضية شوفوهن، مفيدات كثير
بالنسبة للإمتحان، اول امتحانين كانوا تست بانك بس بعدين غيرت المصدر
وبتجيب كثير من quizlet
البيوكيمستري:
مادة خفيفة لطيفة ، الدكتور فوزي مش غريب عنكوا بما أنه اخدتوا معه الفصل اللي عدّا ، انتبهوا ع بعض الاشياء اللي بيحكيها بالمحاضرة لأنه بيجيب منها
يعني سلايدات وحكي الدكتور كافية جدا ،ولا تخوضوا بالتفاصيل كثير
الإمبريولوجي:
أحلى مادة مع أحسن دكتور، ضروري تحضروا كل محاضرات الدكتور حسن وتدرسوا المادة أول ب أول ، في تفريغات للطلاب شوفوهن
بالنسبة للإمتحان، امتحانات الدكتور سهلة وقصيرة، يعني اقل شي 80% من السلايد مباشر جدا والباقي من حكي المحاضرات
التسعين معه مضمونة بس لا تراكم محاضرات لأنه وقعتك وقعة..😅
التشريح :
بالنسبة إلي كنت أدرس من كتب الدكتور خالد ميلاد ،كانت كافية جدا ولغة الكتب سهلة ، بس كنت انتبه ع المحاضرة أضيف بعض شغلات بده ياها الدكتور
النظري والعملي منهن ، وإن شاء الله علامة عالية مضمونة
مختبر البايوكيمستري:
بتعملوا تجارب وسحب دم، مختبر حلو ولطيف
دراسته من السلايدات القصيرة اللي بينزلوها
بالعملي ركزوا شوي لانه بتجيب من كلامها اللي بتحكيه، ف سجلوا الملاحظات المهمة دائما
كمان بتفيدك بكتابة تقريرك ،اللي بيكون عليهن تقريبا 30 علامة من المادة
وبيكون في كويزات فجائية، ف هاد سبب إضافي أنه تركزوا
والله يوفقكوا يا رب